Tuesday 12 April 2016

ಗಿಳಿ ಬಾಗಿಲು (ಹವ್ಯಕ ಬ್ಲಾಗ್ ) 37 ತೊಟ್ಟು ಮುರುದು ನಕ್ಕುವಷ್ಟೇ ಇಪ್ಪದು -ಡಾ.ಲಕ್ಷ್ಮೀ ಜಿ ಪ್ರಸಾದ

ತುಂಬಾ ದಿನಂದ ಗಿಳಿ ಬಾಗಿಲಿನ ಸುದ್ದಿಗೆ ಬೈನ್ದಿಲ್ಲೇ ಆನು ,ಬರೆಯಕ್ಕು ಹೇಳಿ ಕೂದರೆ ಎನಗೆ ಎರಡು ಗೆರೆ ಬರವಲೆ ಎಡಿತ್ತಿಲ್ಲೆ.
ಬರೆಯಕ್ಕು ಹೇಳಿ ಅನ್ಸಿದ ದಿನ ಇರುಳು ಎರಡು ಗಂಟೆ ತನಕ ಕೂಡ ಕೂದು ಬರವಲೆ ಆವುತ್ತು .ಆದರೆ ಬರವ ಮೂಡ್ ಬಪ್ಪದೆ ಸಮಸ್ಯೆಯ ವಿಚಾರ
ಇತೀಚೆಗೆ ಎನಗೆ ಬರವ ಆಸಕ್ತಿ ತುಂಬಾ ಕಮ್ಮಿ ಆಯಿದು .ಎಂತಕೆ ಹೇಳಿ ಗೊಂತಿಲ್ಲೇ .ಮೊನ್ನೆ ಊರಿಂಗೆ ಹೊದಿಪ್ಪಗ ಅಮ್ಮ ಈಗ ಎಂತ ನೀನು ಹಬ್ಯಕ ನುಡಿಗಟ್ಟುಗಳ ಬಗ್ಗೆ ಬರೆತ್ತಾ ಇಲ್ಲೇ ಹೇಳಿ ಕೇಳಿದ .ಎಂತಕೋ ಬರವ ಮನಸ್ಸು ಇಲ್ಲೇ ಹೇಳಿದೆ .ಅಂಬಗ ಅಮ್ಮ ಹಾಂಗೆ ಬರವದರ ಬಿಟ್ಟುಕೊಂಡು ಬಂದರೆ ನಿನಗೆ ಮತ್ತೆ ಬರವಲೆ ಎಡಿಯ ಹೇಳಿದ .
ಅಪ್ಪಲ್ಲದ ಹೇಳಿ ಅನ್ಸಿತ್ತು ಎನಗೆ .ಈ ಮಾತಿನ ಎನಗೆ ಈ ಹಿಂದೆ ಎನ್ನ ಫೇಸ್ ಬುಕ್ ಫ್ರೆಂಡ್  ಮೆಡಿಕಲ್ ಓದುವ ಲಕ್ಷ್ಮೀಶ ಜೆ ಹೆಗಡೆ ಮಿಜಾರ್ ಕೂಡ ಹೇಳಿತ್ತಿದ.
ಅಪ್ಪು ಒಂದರಿ ಬರವದು ನಿಲ್ಸಿರೆ ಮತ್ತೆ ಬರವಲೆ ಸುರು ಮಾಡುಲೆ ತುಂಬಾ ಕಷ್ಟ ಆವುತ್ತು ಹೇಳಿ ಎನಗೂ ಅನ್ಸಿತ್ತು ಆದರೆ ಬರವ ಮನಸೇ ಇಲ್ಲದ್ದರೆ ಎಂತ ಮಾಡುದು ?
ಅದು ಇರಲಿ ಮೊನ್ನೆ ಅಮ್ಮ ಹೇಳಿ ಅಪ್ಪಗ ಮತ್ತೆ ಬರೆಯಕ್ಕು ಹೇಳಿ ಅನ್ಸಿತ್ತು .
ಮೊನ್ನೆ ಅಮ್ಮನ ಹತ್ರೆ ಮಾತಾಡುವಾಗ ಎಂಗಳ ದೂರದ ಸಂಬಂಧಿಗಳ ವಿಚಾರ ಬಂತು .ಅವು ಅಂತ ದೊಡ್ಡ ಶ್ರೀಮಂತ ರು ಏನೂ ಅಲ್ಲ ಆದರೆ ದೊಡ್ಡೋರ ಹಾಂಗೆ ಪ್ರದರ್ಶನ ಇದ್ದು ಅಡ.
ಅದರ ಹೇಳುವಾಗ ಅಮ್ಮ "ಅವಕ್ಕೆ ಎಂಥ ದೊಡ್ಡ ಆಸ್ತಿ ಎಂತದೂ ಇಲ್ಲೇ ತೊಟ್ಟು ಮುರುದು ನಕ್ಕುವಷ್ಟೇ ಇಪ್ಪದು ಹೇಳಿ ಹೇಳಿದ .
ಅಂಬಗ ಆನು ಕೇಳಿದೆ ತೊಟ್ಟು ಮುರುದು ನಕ್ಕುದು ಹೇಳಿರೆ ಎಂತದು ಹೇಳಿ ಅಮ್ಮಂಗೂ ಸರಿಯಾಗಿ ಗೊಂತಿಲ್ಲೇ
ಅಲ್ಲಿಂದಲ್ಲಿಗೆ ಉಂಡು ತಿಮ್ಬಷ್ಟು ಇಪ್ಪದರ ಹೇಳುವಾಗ ಹಾಂಗೆ ಹೇಳುದು ಹೇಳಿದ.ಮತ್ತೆ ಎನ್ಗೊಗೆ ಒಂದು ವಿಷಯ ನೆನಪ್ಪಾತು .ಕೆಲವು ಅತ್ತಿ ತೆಂಗಿನಂಥ ಮರಂಗ ಮುರುದು ಬಿದ್ದರೆ ಅದರ ಎಡೆಂದ ತುಂಬಾ ನೀರು ಬತ್ತು ಅದು ಭಾರಿ ರುಚಿದೆ ಇರ್ತು ಆರೋಗ್ಯಕ್ಕೂ ತುಂಬಾ ಒಳ್ಳೇದು ಅಡ
ಮರ ಮುರುದರೆ ಬೇಕಾದಷ್ಟು ನೀರು ಸಿಕ್ಕುತ್ತು ತೊಟ್ಟು ಮುರುದರೆ ರಜ್ಜ ಪಸೆ ಮಾತ್ರ ಸಿಕ್ಕಿತ್ತು ಅಲ್ಲದ ?ಬಹುಶ ಅದೇ ಅರ್ಥಲ್ಲಿ ತೊಟ್ಟು ಮುರುದು ನಕ್ಕುವಾಗ ಸಿಕ್ಕುವಷ್ಟು ಮಾತ್ರ ಇಪ್ಪದು ಹೇಳುವ ಮಾತು ಬಂದಿರೆಕ್ಕು
ಈ ಬಗ್ಗೆ ಹೆಚ್ಚಿನ ಮಾಹಿತಿ ಇಪ್ಪೋರು ತಿಳಿಸಿ
ನಮಸ್ಕಾರ